Hamımız təmiz və gigiyenik olmağımız üçün çalışsaq da, çoxumuz bədənin bəzi hissələrinə laqeyd yanaşırıq. Hər bir insanın duş qəbul etmə tezliyi fərqlidir. Bəzi insanlar gündəlik duş qəbul etdiyi halda, bəziləri üçün həftədə 2 və ya 3 dəfə duş qəbul etmək kifayətdir. Ancaq burada vacib olan məqam yuyulan yerlərdir.

Dermatoloq Lindsey Zubritskiyə görə bədəndə 3 bölgə var ki, oraların yuyulmağı çox vacibdir.

1. Qulaq arxası

Qulağınızın arxasına toxunduqda bir qoxu və ya toxuma hiss edirsinizsə, bu hissəni daha çox yumaq lazımdır. Qulağın arxası qabıqlanma və kəpək əmələ gəlməsi üçün ideal yerdir.

2. Göbək dəliyi
Şübhəsiz ki, bir çox insanlar vaxtaşırı bu ərazini yumağa laqeyd yanaşırlar. Lakin bu hissə tərin, zibilin və çirkin toplandığı ümumi sahədir.

3. Dırnaq arxası
Dermatoloq insanlara dırnaq arxalarını təmizləmək üçün dırnaq fırçasından istifadə etməyi tövsiyə edib.

Bu yerlərin təmizlənməsinin niyə bu qədər vacib olduğuna gəlincə isə qulaqlarınızın, dırnaqlarınızın və göbəyinizin arxasını lazımi qaydada təmizləməsəniz metisillinə davamlı “Qızılı stafilokokk” (MRSA) daşıyıcısı ola bilərsiniz.

MRSA-nın simptomlarına ağrılı və şişmiş dəri, toxunduqda isti hiss edilən dəri, ağrılı bölgədən sızma, irin və qırmızılıq daxildir.

Daha sonra infeksiya insanın həyati orqanlarına, o cümlədən qanına və ağciyərlərinə yayıla bilər. MRSA bu yerlərə yayılarsa, ölümcül ola bilər.

Qeyd edək ki, MRSA-nın bəzi növlərinin 24 saat ərzində bir insanı öldürdüyü sübut edilmişdir.