“Şərqi Zəngəzur və Qarabağın bərpası üçün vəsait artırılmalıdır. Hərbi və müdafiə xərclərinin artırılması da məntiqlidir”.

Bunu Milli Məclisdə büdcə müzakirəsi zamanı parlamentin Əmək və sosial siyasət komitəsinin sədri Musa Quliyev deyib.

“Ərzaq inflyasiyasının ikirəqəmli həddə qalması narahatlıq doğurur. Bu da aztəminatlı ailələrin sosial rifahının yaxşılaşdırılması üçün əlavə tədbirlər görməyə ehtiyac yaradacaq. Ona görə də inflyasiyanın aşağı salınması üçün tədbirlər görülməlidir”, – deputat qeyd edib.