ABŞ Prezident Administrasiyasının Milli Təhlükəsizlik Şurası yanvarın 8-də vençur kapitalı, texnologiya və müdafiə şirkətlərinin rəhbərləri ilə görüş keçirib.

Görüşdə ukraynalılara rus işğalçılarının dron hücumları ilə daha effektiv mübarizə aparmağa necə kömək etmək barədə müzakirələr aparılıb.

“Reuters”in məlumatına görə, görüşdə müzakirələr 5 saata yaxın davam edib.

“Müzakirələr əsasən bir sıra sistemlər, xüsusən də pilotsuz uçuş sistemləri, dron sistemlərinə qarşı necə mübarizə aparmaq və minalardan təmizləmə məsələsi ətrafında olub”, – rəsmilərdən biri açıqlamasında bildirib.