Bakıdakı Rus evində “CultBaku Club”ın, onun üzvləri Dərya Cəfərli və Cəmilə Kərimovanın təşkilatçılığı ilə Əl işləri festivalı keçirilib.
Rusiya İnformasiya-Mədəniyyət Mərkəzindən (RİMM) bildiriblər ki, müxtəlif peşə ustadların əl işlərinin təqdim olunduğu festivalda epoksid qatranından məmulatlar, suvenirlər, bijüteriya, sabunlar, şamlar, toxunma kuklalar, keçədən əl işləri, farfor və şüşə qab-qacaq üzərində əllə naxış, toxuculuq, vitraj, batika məmulatları, yumşaq müəllif oyuncaqları və s. göz oxşayıb.
Festival səmimi ab-havada keçib, çoxsaylı qonaqları ətrafına toplayaraq, onların böyük marağına səbəb olub.