Birləşmiş Ərəb Əmirlikləri OPEC+ kvotaları çərçivəsində neft hasilatının məhdudlaşdırılması fonunda 2024-cü il üçün ÜDM artımı proqnozunu aşağı salıb.
Bu barədə Bloomberg ölkənin mərkəzi bankının rüblük iqtisadi icmalına istinadən yazır.
Yeni hesablamaya görə, BƏƏ iqtisadiyyatı bu il əvvəllər gözlənilən 5,7% əvəzinə 4,2% artacaq.
Sənəddə qeyd edildiyi kimi, bu, “OPEC+ 2023-cü ilin noyabrında imzalanmış razılaşma fonunda neft hasilatının yavaş bərpası, eləcə də qeyri-neft sektorunda sabit, lakin yavaşlayan artımla bağlıdır”.
Mərkəzi Bankın bildirdiyinə görə, neft sektorunun artımı indi 3%-dən bir qədər az olacaq, orta gündəlik hasilat 3 milyon barel təşkil edəcək ki, bu da əvvəlki 8,1% hesablamadan əhəmiyyətli dərəcədə aşağıdır.
Eyni zamanda, qeyri-neft iqtisadiyyatı üzrə artım proqnozu əvvəlki gözləntilərə uyğun olaraq 4,7% səviyyəsində saxlanılıb.
Standard Chartered iqtisadçısı Carla Slim, mərkəzi bankın artım təxminini 1,5 faiz bəndi azaltması ilə reytinqin aşağı salınmasını “çox əhəmiyyətli düzəliş” adlandırdı. Eyni zamanda ekspert qeyd edib ki, qeyri-neft sektorları üzrə proqnozlar sabit qalıb ki, bu da onların səngiməsi ilə bağlı kiçik gözləntilərdən xəbər verir.
Nəşr qeyd edir ki, neft və qaz sənayesinin əhəmiyyətli payına baxmayaraq, BƏƏ Abu-Dabi kimi mərkəzlərin inkişafı sayəsində Fars körfəzinin ən çoxşaxəli iqtisadiyyatı hesab olunur.
Bundan əvvəl investor yaxın gələcəkdə neft qiymətlərinin nə olacağını qiymətləndirmişdi.