Xalq artisti Rasim Balayevin xəstəxanadan görüntüləri yayılıb.

Aktyor videoda çıxış edərək səhhətində uzun illər probleminin olduğunu bildirib.

“Hamınızı xoş gördük. Bir neçə illər bundan qabaq belimdə ağrılar başladı. Türkiyədə filmdə çəkilirdim. Orada dəli bir at vardı, məni yıxdı. Bu ağrıya görə mən neçə yerə getmişəm. Biri deyir, əməliyyat lazımdır, biri deyir, lazım deyil. Bakıda getmədiyim klinika qalmadı. Fizioterapiya ilə babat olurdu, amma hiss ediləcək qədər təsiri olmurdu. Görürdüm ki, günü-gündən ağırlaşır. Nəhayət, əməliyyat olundum. Allah heç kimə xəstəlik verməsin”, – o bildirib.