Bitlisin Tatvan ərazisindəki  Nemrut krater gölü ətrafında yaşayan ayılar vətəndaşların və Nemrut krateri gölünü ziyarət edən turistlərin yoluna kəssə də, onların istəyi bəlli olanda insanlar şok yaşayıb.

Ayırlaın yolu kəsmələri heç də pis niyyət daşımayıb, əksinə insanların diqqətini  cəlb etməklə qidalanmaq olub.  Əgər əvvəl  həmin əraziyə səfər edənlər ayılardan qorxurdusa, artıq indi insanlar məhz ayılara görə Krater gölünə daha çox səfər edirlər. Bununla da  Nemrut krater gölünün kənarında yaşayan ayılar  bölgənin bir simvoluna çevrilib. Bura gələn insanlar ayılara qulluq etmədən, onlara yemək vermədən getmirlər. Nemrut krater gölü ətrafında boz ayılar sözün əsl mənasında nəqliyyat vasitələrinin yolunu bağlayır və vətəndaşlardan yemək gözləyirlər. Buraya gələnlər ayıları əlləri ilə yedizdirdiklərindən, boz ayılar da bunu vərdiş halına salıblar.