Çində şirkətlərdən biri xoşbəxt olmayanların işə gəlməməsi ilə bağlı qərar qəbul edib.

Çinin pərakəndə maqnatı daha sağlam iş-həyat tarazlığını təmin etmək məqsədi ilə işçilər üçün “bədbəxt məzuniyyət” adlı yeni konsepsiya təqdim edib.
“Pang Dong Lai”nin təsisçisi və sədri Yu Donqlai işçilərin əlavə 10 günlük məzuniyyət tələb edə biləcəyini açıqlayıb.

O, həmçinin bildirib ki, bu 10 günlük əlavə icazə rəhbərlik tərəfindən rədd edilə bilməz.
Yu Donqlai uzun iş saatlarının tərəfdarı olan müdirlərin mədəniyyətini pisləyib:
“İşçilərin iş vaxtından artıq işləməsi qeyri-etikdir və digər insanların böyümə imkanlarının mənimsənilməsidir”, – deyə o bildirib.
Çinli sosial şəbəkə istifadəçiləri şirkətin tətbiq etdiyi dəyişikliklərə güclü dəstək nümayiş etdiriblər.Qeyd edək ki, Çində iş yerində narahatlıqla bağlı 2021-ci ildə keçirilən sorğuya görə işçilərin 65%-dən çoxu iş yerində yorğun və bədbəxt hiss edir.