Bu məqsədlə ölkə daxilində təşkil edilən nümayişlərə 200 min adam qatılıb.

Paytaxt Paris başda olmaqla ölkə daxilində küçələrə çıxan ictimai işçilər iş şəraitinin yaxşılaşdırılması tələb ediblər. Parisdə İqtisadiyyat Nazirliyinin Bersi binası yaxınlığında başlayan nümayiş İtaliya meydanında başa çatıb.

Nümayişçilər hökumətdən dövlət işçilərinə hörmət etməyi tələb ediblər.

Ölkənin ən böyük həmkarlar ittifaqı olan Baş Həmkarlar İttifaqının (CGT) baş katibi Sofi Binet nümayişdə jurnalistlərə bildirib ki, ölkədə dövlət və özəl sektorlar da daxil olmaqla, yüz minlərlə ixtisar olacaq. O, Prezident Emmanuel Makronu həmkarlar ittifaqı üzvlərinin və işçilərin səsini eşitməyə çağırıb.

“Ölkəmiz bizi narahat edən siyasi böhran içindədir”,- deyə Binet söyləyib.