“Biz çox həssas məsələlərlə yanaşı öz mövqeyimizi konkret olaraq göstərməliyik. Qlobal Cənub yüksəlir, inkişaf edir, amma problemlər də mövcuddur. Xüsusilə Qərb-Şərq və Şimal-Cənub münasibətlərində. Yaddan çıxarmaq lazım deyil ki, Azərbaycan bu istiqamətlərin mərkəzində dayan məmləkətdir”.
Bunu Milli Məclisin Milli Məclisin Beynəlxalq münasibətlər və parlamentlərarası əlaqələr komitəsinin genişləndirilmiş iclasında “Qlobal Cənubun yüksəlişi və Qərb: Azərbaycanın rolu, əməkdaşlıq və inkişaf üçün yeni imkanlar” mövzusunda müzakirədə komitə sədri Səməd Seyidov deyib.
“Bizim siyasətimiz hər bir ölkə ilə yüksək səviyyədə münasibətlərimizi təşkil etməkdir. Nə edəsən ki, biz təşkil etmək istədiyimiz partnyorlar öz aralarında problemlər yaradıb, hansısa ortaq məxrəcə gələ bilmirlər”, – deyə komitə sədri bildirib.