Rəhbərlik “Kann” kinofestivalının tarixində ilk dəfə olaraq cinsi təcavüz ittihamı ilə aktyorun premyerada qırmızı xalçaya çıxmasına qadağa qoyub.
Bu barədə “Variety” məlumat yayıb.
Söhbət fransız aktyor Teo Navarro-Mussidən gedir.
Belə ki, festivalın prezidenti Thierry Fremaux filmin prodüserləri ilə birlikdə aktyora ikinci dərəcəli rolda oynadığı “Case 137” filminin premyerasına getməyi qadağan edib.
“Kann Film Festivalı açıq şəkildə bildirdi ki, o, cinsi zorakılıqda şübhəli bilinən insanların fəaliyyətini əhatə etməyəcək”, – filmin prodüserləri öz qərarlarını izah ediblər.