68
Rusiya ordusu Sumı şəhərinə zərbə endirib.
Bu barədə Ukrayna prezidenti Volodimir Zelenski məlumat yayıb.
“Məqsədli şəkildə mülki şəxslərə hücum edilib. Hazırda xilasetmə əməliyyatı aparılır. Yaralılar çoxdur”, – deyə o Telegram-da bildirib.
Zelenskinin sözlərinə görə, ilkin məlumata əsasən, 3 nəfər həlak olub, 16 nəfər yaralanıb. Məlumatı Fövqəladə Hallar Xidməti də təsdiqləyib.
“Ən azı bir partlamamış reaktiv mərminin olduğu bildirilir. Həmin mərmi adi yaşayış binasının 9-cu mərtəbəsindəki mənzilin divarını deşib” – deyə Zelenski qeyd edib.
O, beynəlxalq ictimaiyyəti Rusiyaya qarşı siyasi təzyiqləri artırmağa bir daha çağırıb.
Rusiya ordusu hələlik hücumla bağlı açıqlama verməyib.