Rusiyada bağında sarmaşığın bir növü olan “ipomoea tricolor” əkənlər cərimələnə və ya həbs oluna bilərlər.

Bu barədə rusiyalı hüquqşünas Yelena Kuderko xəbərdarlıq edib.

Bildirilib ki, bu sarmaşığın tərkibində psixoaktiv təsir göstərən alkaloidlər var; sarmaşığın gövdəsində, çiçəyində və toxumlarında olan enteogenlər intoksikasiyaya və şüurun dəyişməsinə səbəb ola bilər.

Qanuna görə, 10-11 bitki yetişdirməyə görə iki il, 100 və daha çox bitkiyə görə isə səkkiz ilədək həbs cəzası nəzərdə tutulub.

Qeyd edək ki, gözəl görünüşə malik olan və kompleks baxım tələb etməyən bu sarmaşıq Azərbaycanda da kənd yerlərində bağa bəzək verən alaq otu kimi geniş yayılıb.