439
“Ədəbiyyat və incəsənət” portalı əslən Güney Azərbaycandan olan şair, AYB sədrinin müşaviri Sayman Aruzun satirik qəzəlini təqdim edir.
Güney Azərbaycan mühitini, orada olan vəziyyəti düşünərkən:
Vay o gündən ki, gəda bəylərə sultanlıq edə.
Sanki çaqqal it olub qoçlara oxranlıq edə…
Hay o gündən ki, vətən eşqinə zindan çəkəsən,
Vay o gündən ki, vətən, ruhuna zindalıq edə…
Bağbanı balta olan ormana ümmid eləmə,
Balta qoymz tək ağac birləşə ormanlıq edə…
Kapitan, sakit axan dalğaya aldanmaginan,
Qorx o gündən ki, dəniz tərpənə, tufanlıq edə…
Kükrə, Sayman, qəfəsi əzm ilə sındırmalısan,
İstəmirsənsə əgər tülkülər aslanlıq edə…
“Ədəbiyyat və incəsənət”
(27.09.2024)