21
Bakıda “Taste of Europe” birinci Avropa kulinariya festivalının açılışı olub.
Festivalı Avropa İttifaqının Azərbaycandakı nümayəndəliyi təşkil edib.
Festivalın açılışında Avropa İttifaqının (Aİ) Azərbaycandakı səfiri Peter Mixalko çıxış edib.
O qeyd edib ki, Azərbaycan ilə Aİ ölkələri arasında çox sıx əlaqələr mövcuddur və bu əlaqələr hər gün daha da möhkəmlənir.
Bolqarıstan, Çexiya, Fransa, Macarıstan, İtaliya, Polşa və Rumıniya səfirlikləri ziyarətçiləri öz ölkələrinin milli yeməkləri ilə tanış edir.
Festivalda Azərbaycanın stendi də olub.
Qeyd edək ki, festival Bakı sakinlərinə Avropa mətbəxini nümayiş etdirmək üçün nəzərdə tutulub.