İran və Pakistan xarici işlər nazirlərinin görüşü olub

İslamabadda İran və Pakistanın xarici işlər nazirləri Hüseyn Əmir Abdollahian və Cəlil Abbas Cilani arasında görüş başlayıb.

Bu barədə Pakistan Xarici İşlər Nazirliyi X sosial şəbəkəsində məlumat verib.

Qarşıdakı danışıqların əsas mövzusu İran Silahlı Qüvvələrinin yanvarın 16-da Pakistan ərazisindəki Ceyş əl-Ədl qrupunun iki qərargahına hücumu nəticəsində iki ölkə arasında münasibətlərdə yaranmış gərginliyi azaltmaqdır. İran hərbçilərinin razılaşdırılmamış hərəkətləri İslamabadın dərhal reaksiyasına səbəb olub.