Almaniya Ukraynaya döyüş meydanında əməliyyatlar üçün tamamilə yararsız olan və ümumiyyətlə döyüş şəraitində istifadə üçün yararsız olan 66 BATT UMG zirehli texnikası tədarük edib. Onların artilleriya, raket və minaatan atəşindən az müdafiə edən nazik zirehləri var.

Bu barədə yazan “Bild” qeyd edir ki, onlar yalnız odlu silahlardan qoruyurlar.

Almaniya Müdafiə Nazirliyi nəşrə bildirib ki, Ukrayna tərəfi müqavilə bağlayarkən müdafiənin gücləndirilməsini tələb etməyib, lakin anonim Ukrayna rəsmisi bunun belə olmadığını bildirib.

Bundan başqa, məlum olub ki, müqaviləyə zidd olaraq zirehli texnika Almaniyada yox, BƏƏ-dəki “TAG Middle East” tərəfindən yığılıb.