Hodces onu da qeyd edib ki, Rusiya NATO-ya hücum etmək üçün çox yaxşı hazırlaşmalıdır. “Çünki onlar münaqişənin gərginləşməsinin mümkün mənfi nəticələrini də qiymətləndirməli olacaqlar. Mən onların axmaq olduğunu düşünmürəm. Ukraynada uğur qazansalar, iki, üç, dörd il ərzində başqa yerə gedə bilərlər. Təbii ki, bu ehtimal var. Amma NATO-ya hücuma hazırlaşmaq üçün çox şey dəyişməli olacaqlar. Çünki onlar bizim adekvat cavab verə biləcəyimizdən narahat olmalıdırlar. Bu, mümkündür və biz buna hazırlaşmalıyıq. Düşünürəm ki, ABŞ Avropadan, Ukraynadan üz döndərməsə, o zaman Rusiyanın NATO ölkələrinə hücum edəcəyini düşünmürəm”, – Hodges deyib.